"Челси" Юго Экитикега жиддий қизиқиш билдирмоқда.
RMC Sport нашри хабарига кўра, Премьер-лиганинг бир нечта клублари футболчи ва "Айнтрахт" билан боғланишган, жумладан "Арсенал", "Ливерпуль" ва "Челси". Бироқ "кўклар"нинг қизиқиши анча юқори – лондонликлар франциялик футболчини Беньямин Шешко ва Виктор Осимхен билан бирга ҳужумчилар рўйхатида биринчи ўринга қўйишди.
Қайд этилишича, айрим клублар, жумладан, "Челси" билан ҳам музокаралар олиб борилмоқда.
Экитиике 2024 йилнинг қишида Франкфуртнинг "Айнтрахт" клубига ўтган, дастлаб "ПСЖ"дан сотиб олиш опцияси билан ижарага олинган. У тахминан 30 миллион еврога сотиб олинди. "ПСЖ" футболчининг қайта сотилган қийматининг 20 фоизини олади. Олдинроқ немис клуби форвард нархини 100 миллион еврога кўтаргани ҳақида хабар берилганди.
Жорий мавсумда Юго Бундеслигада 33 та ўйин ўтказиб, 15 та гол урди ва 8 та голли узатмани амалга оширди.
