Леверкузеннинг "Байер" клуби ҳужумчиси Флориан Вирц жамоадан кетиши ҳақида клуб раҳбариятига шахсан маълум қилган.
Шу билан бирга, ҳужумчи Мюнхеннинг "Бавария" клуби таклифини рад этди ва фаолиятини "Ливерпуль"да давом эттирмоқчи, деб ёзади журналист Саша Тавольери Х ижтимоий тармоғида.
Аввалроқ, футболчининг инглиз клубига трансфери 150 млн еврога тушиши хабар қилинганди.
Жорий мавсумда Виртц клублар ўртасидаги барча турнирларда 45 та ўйинда майдонга тушиб, 16 та гол урди ва 15 та голли узатмани амалга оширди.
