Leverkuzenning "Bayer" klubi hujumchisi Florian Virs jamoadan ketishi haqida klub rahbariyatiga shaxsan ma’lum qilgan.

Shu bilan birga, hujumchi Myunxenning "Bavariya" klubi taklifini rad etdi va faoliyatini "Liverpul"da davom ettirmoqchi, deb yozadi jurnalist Sasha Tavolyeri X ijtimoiy tarmog‘ida.

Avvalroq, futbolchining ingliz klubiga transferi 150 mln yevroga tushishi xabar qilingandi.

Joriy mavsumda Virts klublar o‘rtasidagi barcha turnirlarda 45 ta o‘yinda maydonga tushib, 16 ta gol urdi va 15 ta golli uzatmani amalga oshirdi.