Луис Энрике мураббийлик фаолиятидаги 15-совринни қўлга киритди.
Испаниялик мутахассис қўл остидаги "ПСЖ" турнир финалида "Реймс"ни мағлуб этиб (3:0), Франция Кубогини қўлга киритди.
Энрике бу унвонни иккинчи марта қўлга киритди. Шунингдек, у Париж жамоаси бош мураббийи сифатида икки марта мамлакат чемпионати ва Суперкубогини қўлга киритган.
"Барселона" билан мураббий икки марта Испания чемпионлигини қўлга киритди, уч марта кубок соҳиби бўлди, бир марта мамлакат Суперкубогини қўлга киритди, шунингдек, бир мартадан Чемпионлар Лигаси, Европа Суперкубоги ва клублар ўртасидаги жаҳон чемпионатида ғолиб чиқди.
31 май куни "ПСЖ" Чемпионлар Лигаси финалида "Интер" билан ўйнайди.
