Мадриднинг "Реал" клуби ярим ҳимоячиси Лука Модрич "Сантьяго Бернабеу" мухлислари билан хайрлашар экан, стадиондаги севимли ўйинини эслади.
Хорват 2022 йилда бўлиб ўтган Чемпионлар Лигаси 1/8 финалидан ўрин олган "ПСЖ"га қарши баҳсни алоҳида таъкидлаб ўтди. "Қаймоқранглилар" Парижда минимал ҳисобда мағлуб бўлишди, шунингдек, ўз уйларида биринчи бўлиб гол ўтказиб юборишди, аммо иккинчи бўлимда учта гол уриб, камбэк амалга оширишди - Карим Бензема хет-трик қайд этди.
"Севимли хотира? "ПСЖ"га қарши ўйин. Ўша ўйин олдидан "Агар бугун кечқурун ғалаба қозонсак, Чемпионлар Лигаси бизники бўлади," деганман. Шундай бўлди ҳам," - дея 39 ёшли футболчининг сўзларини келтиради Madrid Zone.
