Madridning "Real" klubi yarim himoyachisi Luka Modrich "Santyago Bernabeu" muxlislari bilan xayrlashar ekan, stadiondagi sevimli o‘yinini esladi.
Xorvat 2022 yilda bo‘lib o‘tgan Chempionlar Ligasi 1/8 finalidan o‘rin olgan "PSJ"ga qarshi bahsni alohida ta’kidlab o‘tdi. "Qaymoqranglilar" Parijda minimal hisobda mag‘lub bo‘lishdi, shuningdek, o‘z uylarida birinchi bo‘lib gol o‘tkazib yuborishdi, ammo ikkinchi bo‘limda uchta gol urib, kambek amalga oshirishdi - Karim Benzema xet-trik qayd etdi.
"Sevimli xotira? "PSJ"ga qarshi o‘yin. O‘sha o‘yin oldidan "Agar bugun kechqurun g‘alaba qozonsak, Chempionlar Ligasi bizniki bo‘ladi," deganman. Shunday bo‘ldi ham," - deya 39 yoshli futbolchining so‘zlarini keltiradi Madrid Zone.













