Лондоннинг "Челси" клуби ҳужумчиси Кристофер Нкунку Англия Премьер-лигасининг бошқа бир клуби сафига бориб қолиши мумкин. Бу ҳақда Todofichajes портали журналистлари хабар бермоқда.
Манбага кўра, 27 ёшли франциялик форвард хизматига "Тоттенхэм" қизиқиш билдирмоқда. Нкункунинг трансфер нархи Transfermarkt маълумотларига кўра, 45 миллион еврога баҳоланмоқда. Кристофернинг "аристократлар" билан амалдаги меҳнат шартномаси 2029 йил июнь ойи охирида тугайди.
Англия Премьер-лигасининг ортда қолган мавсумида ҳужумчи 27та ўйинда майдонга тушиб, 3та гол урган ва 2та голга ҳаммуаллифлик қилган.
