"Челси" ярим ҳимоячиси Энцо Фернандес "Бетис"га қарши Конференциялар Лигаси финалининг қаҳрамонларидан бирига айланди.
Иккинчи бўлимдаги 4 та гол эвазига "кўклар" иродали ғалабага эришди - 4:1. 65-дақиқада аргентиналик футболчининг ўзи ҳисобни тенглаштирган бўлса, 91-дақиқада Мойсес Кайседнинг голига ассистентлик қилди ва якуний натижани ўрнатди.
Squawka хабарига кўра, Фернандес Эден Азар ва Оливье Жирудан кейин еврокубок финалида гол ва ассист қайд этган биринчи футболчи бўлди. "Челси" шарафини ҳимоя қилган бельгиялик ва франциялик футболчи бу ишни 2019 йилги Европа Лигаси финалида "Арсенал"га қарши ўйинда (4:1) амалга оширганди.
