"Chelsi" yarim himoyachisi Enso Fernandes "Betis"ga qarshi Konferensiyalar Ligasi finalining qahramonlaridan biriga aylandi.
Ikkinchi bo‘limdagi 4 ta gol evaziga "ko‘klar" irodali g‘alabaga erishdi - 4:1. 65-daqiqada argentinalik futbolchining o‘zi hisobni tenglashtirgan bo‘lsa, 91-daqiqada Moyses Kaysedning goliga assistentlik qildi va yakuniy natijani o‘rnatdi.
Squawka xabariga ko‘ra, Fernandes Eden Azar va Olivye Jirudan keyin yevrokubok finalida gol va assist qayd etgan birinchi futbolchi bo‘ldi. "Chelsi" sharafini himoya qilgan belgiyalik va fransiyalik futbolchi bu ishni 2019 yilgi Yevropa Ligasi finalida "Arsenal"ga qarshi o‘yinda (4:1) amalga oshirgandi.













