"Ливерпуль" вингери Коди Гакпо ёзги трансферлар ойнасида жамоани тарк этиши мумкин. Бу ҳақда журналист Флориан Плеттенберг хабар бермоқда.
Манбага кўра, 26 ёшли нидерландиялик футболчига нафақат "Бавария," балки номи ошкор этилмаган яна икки клуб қизиқиш билдирмоқда. Таъкидланишича, мерсисайдликлар агар муносиб таклиф тушса, Гакпони сотиб юборишга тайёр. Манбанинг таъкидлашича, футболчига бир нечта сўровлар юборилган, аммо ҳозирча аниқ ҳеч нарса йўқ.
Жорий мавсумда Гакпо барча мусобақаларда 49 та ўйинда майдонга тушиб, 18 та гол урди ва еттита ассистни ўз ҳисобига ёздириб қўйди.
