"Liverpul" vingeri Kodi Gakpo yozgi transferlar oynasida jamoani tark etishi mumkin. Bu haqda jurnalist Florian Plettenberg xabar bermoqda.

Manbaga ko‘ra, 26 yoshli niderlandiyalik futbolchiga nafaqat "Bavariya," balki nomi oshkor etilmagan yana ikki klub qiziqish bildirmoqda. Ta’kidlanishicha, mersisaydliklar agar munosib taklif tushsa, Gakponi sotib yuborishga tayyor. Manbaning ta’kidlashicha, futbolchiga bir nechta so‘rovlar yuborilgan, ammo hozircha aniq hech narsa yo‘q.

Joriy mavsumda Gakpo barcha musobaqalarda 49 ta o‘yinda maydonga tushib, 18 ta gol urdi va yettita assistni o‘z hisobiga yozdirib qo‘ydi.