“Ипсвич” ҳужумчиси Лиам Делап Лондоннинг “Челси” клубига ўтишга яқин турибди. Олдинроқ футболчи билан шартнома яқин 24 соат ичида имзоланиши ҳақида хабар берилганди. Журналист Фабрицио Романо ўзининг Х ижтимоий тармоғидаги саҳифасида хабар беришича, "Манчестер Сити" англиялик футболчининг "Ипсвич"дан "Челси"га ўтган трансфери суммасининг 30 фоизини олади.

22 ёшли ҳужумчи "шаҳарликлар" тарбияланувчиси ҳисобланади. У ўтган ёзда "Манчестер Сити"дан "Ипсвич"га кўчиб ўтганди. ОАВ хабарларига кўра, "Ипсвич" Англия Премьер-лигасидан тушиб кетганидан сўнг футболчини сотиб олиш варианти 36 миллион еврога тушган. Шу тариқа, "Манчестер Сити" келишувдан тахминан 10,8 миллион евро ишлаб олади.

Ўтган мавсумда 22 ёшли Лиам Делап Премьер-лиганинг 37 та учрашувида 12 та гол урди ва 2 та голли узатмани амалга оширди.