“Ливерпул”нинг франциялик ҳимоячиси Ибраҳима Конате мерсисайдликлар жамоаси етакчиси бўлиш нияти борлигини маълум қилди.
"Менинг "Ливерпул"да кўплаб мақсадларим бор. Мен жамоа етакчисига айланишни ва барча совринларни қўлга киритишни истайман. Мен бу ерда жуда хурсандман. Яқинда агент клуб билан шартномам борасида суҳбатлашди. Яқин ҳафталарда нима бўлишини кўрамиз", - дейди футболчи.
Конатенинг мерсисайдликлар билан амалдаги шартномаси 2026 йилнинг июн ойи охиригача амал қилади.













