“Liverpul”ning fransiyalik himoyachisi Ibrahima Konate mersisaydliklar jamoasi yetakchisi bo‘lish niyati borligini ma’lum qildi.

"Mening "Liverpul"da ko‘plab maqsadlarim bor. Men jamoa yetakchisiga aylanishni va barcha sovrinlarni qo‘lga kiritishni istayman. Men bu yerda juda xursandman. Yaqinda agent klub bilan shartnomam borasida suhbatlashdi. Yaqin haftalarda nima bo‘lishini ko‘ramiz", - deydi futbolchi.

Konatening mersisaydliklar bilan amaldagi shartnomasi 2026 yilning iyun oyi oxirigacha amal qiladi.