"Барселона" бош мураббийи Ханс-Дитер Флик жамоа ярим ҳимоячиси Педри ҳақида ўз фикрлари билан ўртоқлашди.

"Рафинья Педрини жамоанинг юраги деб айтди? Ҳа, тўғри. Педри фантастик. У тўпга тегса, ҳақиқий сеҳрни кўрасиз. У яхшиланиб бормоқда, ўзини тинимсиз ривожлантирмоқда. "Валенсия"га қарши ўйинда эслайман, биз уни иккинчи бўлимда қўйиб юборганимизда, у ўйинни бутунлай ўзгартирди", - деди Флик.

Жорий мавсумда 22 ёшли Педри барча турнирларда 59 та ўйин ўтказиб, 6 та гол урди ва 8 та голли узатмани амалга оширди.