"Торино" ярим ҳимоячиси Самуэле Риччи тез орада клубини ўзгартириб, "Милан" футболчисига айланиши мумкин.
Football Italia нашрининг инсайдерлар Фабрицио Романо ва Маттео Мореттога таяниб хабар беришича, “россонерилар” 23 ёшли ярим ҳимоячининг трансфери бўйича музокараларнинг сўнгги босқичида.
Шартнома 25 миллион еврога тенг, яна 5-7 миллиони бонуслар шаклида тақдим этилади. Хусусан, тўловларнинг бир қисми жамоанинг Чемпионлар лигасига чиқишига боғлиқ бўлади.













