"Бавария" ярим ҳимоячиси Йозуа Киммих жамоанинг бўлажак клублар ўртасидаги жаҳон чемпионатида муваффақиятга эришиш имкониятларини баҳолади.
Мюнхенликлар "Окленд Сити", "Бока Хуниорс" ва "Бенфика" билан бир гуруҳда ўйнайди.
Учрашувлар 15, 20 ва 24 июнь кунларига белгиланган.
"Клублар ўртасидаги жаҳон чемпионатида ғалаба қозониш - бизнинг мақсадимиз. Чемпионлар лигасида унчалик барқарор бўлмаган эдик, лекин биз энг яхши жамоалар билан рақобатлаша олишимизни кўрсатдик.
Ҳа, биз заиф эдик, кўпинча жазоланардик, лекин барибир биз ҳар қандай рақибни мағлуб этишимизга ишонамиз", - дея Киммихнинг сўзларини келтирмоқда Bayern & Germany.













