Қанот ҳужумчиси Жейдон Санчо Лондоннинг “Челси” клуби билан музокараларни давом эттирмоқда. Бу ҳақда инсайдер Фабрицио Романо ижтимоий тармоқдаги саҳифасида хабар берди.
Манбага кўра, "Челси" раҳбарияти 25 ёшли футболчи билан маош борасида ҳалигача келиша олмаган. Таъкидланишича, якуний қарор яқин кунларда қабул қилинади. Агар шартнома шартлари келишиб олинмаса, Санчо "Манчестер Юнайтед"га қайтади, дея таъкидлайди манба.
"Челси" Санчони 2024 йилнинг августида ижарага олди. "Кўклар" таркибида у 41 та ўйин ўтказиб, 5 та гол урди ва ўз ҳисобига 10 та голли узатма ёздириб қўйди.
