Франциянинг "Марсель" клубида тўп сураётган марказий ярим ҳимоячи Адриен Рабьо фаолиятини Италия А Сериясида давом эттириш имкониятига эга. Бу ҳақда Todofichajes портали саҳифаларида хабар берилди.

Манбанинг ёзишича, 30 ёшли футболчини "Милан" ўз сафига қўшиб олмоқчи. Ярим ҳимоячининг трансфер қиймати 25 миллион еврога баҳоланмоқда. Адриеннинг "Марсель" клуби билан амалдаги шартномаси 2026 йилнинг июнь ойи охирида якунига етади.

Франция чемпионатининг ўтган мавсумида Рабьо "Марсель" таркибида 29та ўйин ўтказган. Ярим ҳимоячи 9 та гол урди ва 4 та голли узатмани амалга оширди.