Бир йил аввал "Челси" 22 миллион еврога сотиб олган "Астон Вилла" собиқ ярим ҳимоячиси Омари Келлиман ижарага юборилади. Бу ҳақда Birmingham Live хабар бермоқда.
19 ёшли футболчи асосий таркибга кира олмади. Бундан ташқари, у бутун мавсум давомида соғлиғи билан боғлиқ муаммоларга дуч келгани учун захира таркибида деярли майдонга тушмади (барча турнирларда 4 та ўйин). Футболчи икки марта тизза ости пайини жароҳатлаган ва клублар ўртасидаги жаҳон чемпионатида ўйнамайди.
Келлиман соғайганидан сўнг дарҳол бошқа жамоа қароргоҳига бориши кутилмоқда. Transfermarkt портали футболчининг нархини 1,5 миллион еврога баҳоламоқда.
