"Милан" чап қанот ҳимоячиси Тео Эрнандес "Атлетико"га ўтишга рози бўлди.
“Россонерилар” франциялик футболчини янги шартнома имзолашга кўндира олишмади, амалдаги келишув эса келаси ёзда тугайди, шунинг учун клуб футболчини ҳозир сотишни режалаштирмоқда.
Журналист Дамиано Эр Фаинанинг хабар беришича, 27 ёшли футболчи Мадриднинг “Атлетико” клуби билан келишувга эришган. Энди “матрасчилар” “Милан”нинг розилигини олишлари керак.
"Атлетико" футболчининг трансфери учун 20 миллиондан 25 миллионгача тўлашга тайёр. Футболчи аввалроқ Саудия Арабистонига ўтишдан бош тортганди.
