"Барселона" ҳужумнинг чап томонида қўшимча кучларни қидиришда давом этмоқда. Айтилишича, каталонияликлар кўплаб юлдуз футболчиларга, жумладан, "Милан" аъзоси Рафаэль Леау ва "Манчестер Юнайтед" аъзоси Маркус Рэшфордга қизиқиш билдирмоқда.
Mundo Deportivo хабарига кўра, "блауграна"га аллақачон португалиялик ва инглиз футболчисининг хизматлари таклиф қилинган, бироқ клуб музокараларни бошлашга шошилмаяпти, чунки улар иккала номзодга ҳам шубҳа қилмоқда.
Transfermarkt 26 ёшли Леаунинг нархини 75 миллион еврога баҳоламоқда. 27 ёшли Рэшфорднинг нархи 50 миллион еврони ташкил қилади. Иккала футболчи ҳам таклифлар тушса, ёзда ўз клубларини тарк этишга тайёр.
