«Манчестер Сити»нинг собиқ яримҳимоячиси Кевин Де Брёйне «Наполи»га ўтди. Инсайдер Фабрицио Романонинг ижтимоий тармоқларда хабар беришича, Италия клуби билан келишув тўлиқ мувофиқлаштирилган ва ёпилган.
Манба маълумотига кўра, яқин вақт ичида Де Брёйне тиббий кўрикдан ўтади ва "Наполи"га ўтиш учун расмий жараёнларни якунлайди. Томонлар ўртасидаги шартнома икки йилга мўлжалланган.
Аввалроқ итальян ОАВлари Де Брёйне «Наполи»да йилига 5 миллион евро маош олиши ҳақида хабар берган эди.
Ўтган мавсумда 33 ёшли бельгиялик футболчи Англиянинг «Манчестер Сити» жамоаси сафида 40 та ўйинда иштирок этиб, 6 та гол ва 8 та ассист билан ажралиб турган.













