«Manchester Siti»ning sobiq yarimhimoyachisi Kevin De Bryoyne «Napoli»ga o‘tdi. Insayder Fabrisio Romanoning ijtimoiy tarmoqlarda xabar berishicha, Italiya klubi bilan kelishuv to‘liq muvofiqlashtirilgan va yopilgan.
Manba ma’lumotiga ko‘ra, yaqin vaqt ichida De Bryoyne tibbiy ko‘rikdan o‘tadi va "Napoli"ga o‘tish uchun rasmiy jarayonlarni yakunlaydi. Tomonlar o‘rtasidagi shartnoma ikki yilga mo‘ljallangan.
Avvalroq italyan OAVlari De Bryoyne «Napoli»da yiliga 5 million yevro maosh olishi haqida xabar bergan edi.
O‘tgan mavsumda 33 yoshli belgiyalik futbolchi Angliyaning «Manchester Siti» jamoasi safida 40 ta o‘yinda ishtirok etib, 6 ta gol va 8 ta assist bilan ajralib turgan.













