"Манчестер Сити" ярим ҳимоячиси Райан Шерки "Лион"дан трансфери якунланганидан кейин интервью берди.
21 ёшли футболчининг трансфери сешанба куни расман тасдиқланди. Битим "шаҳарликлар"га бонусларни ҳисобга олмаганда 40 млн евродан камроққа тушди.
"Чемпионлар лигаси ва жаҳон чемпионати каби турнирларда ўйнаш мен учун жуда муҳим. Фаолиятим давомида барча муҳим турнирларда ўйнашни истайман ва ҳозир Чемпионлар Лигасида ўзимни кўрсатиш учун қулай фурсат келди, деб ўйлайман. "Манчестер Сити" менга қизиқиш билдираётганини билганимда, бу мен учун муҳим омил бўлди," - дея Шеркининг сўзларини келтиради клуб матбуот хизмати.
