"Милан" чап қанот ҳимоячиси Тео Эрнандесни Мадриднинг "Атлетико" клубига сотишдан бош тортди.
Куни кеча француз бўйича музокараларда клублар ўртасида келишмовчиликлар юзага келгани ҳақида маълумотлар пайдо бўлди. Журналист Валентин Фурлан хабарига кўра, келишув барбод бўлган. "Милан" 27 ёшли футболчи учун 25 млн евро сўрамоқда ва ён босмоқчи эмас, "Атлетико" эса 20 млн евродан ортиқ таклиф қилишга тайёр эмас.
Тео Эрнандеснинг пасайтирилган нархи бир йилдан кейин тугайдиган шартнома билан боғлиқ. Миш-мишларга кўра, "россонерилар" футболчини "Ал-Ҳилол"га сотишга тайёр бўлган, аммо қанот футболчисининг ўзи Саудия Арабистонига кўчиб ўтишдан бош тортган.
