"Milan" chap qanot himoyachisi Teo Ernandesni Madridning "Atletiko" klubiga sotishdan bosh tortdi.

Kuni kecha fransuz bo‘yicha muzokaralarda klublar o‘rtasida kelishmovchiliklar yuzaga kelgani haqida ma’lumotlar paydo bo‘ldi. Jurnalist Valentin Furlan xabariga ko‘ra, kelishuv barbod bo‘lgan. "Milan" 27 yoshli futbolchi uchun 25 mln yevro so‘ramoqda va yon bosmoqchi emas, "Atletiko" esa 20 mln yevrodan ortiq taklif qilishga tayyor emas.

Teo Ernandesning pasaytirilgan narxi bir yildan keyin tugaydigan shartnoma bilan bog‘liq. Mish-mishlarga ko‘ra, "rossonerilar" futbolchini "Al-Hilol"ga sotishga tayyor bo‘lgan, ammo qanot futbolchisining o‘zi Saudiya Arabistoniga ko‘chib o‘tishdan bosh tortgan.