Лондоннинг "Арсенал" клуби марказий ҳимоячиси Габриэль дос Сантос Мадриднинг "Реал" клубида тўп тепаётган ҳамюрти Родриго жамоага келиши мумкинлиги ҳақида гапирди.
Бразилиялик ҳужумчи "канонирлар"нинг асосий трансфер мақсадларидан бири ҳисобланади.
"Родригони "Арсенал" ўз сафига қўшиб оладими ёки йўқми, билмайман, лекин унинг бизга ўтишини истардим. Мен уни феномен деб ҳисоблайман ва бу ҳақда айтиб ўтганман. Албатта, менга қолса, у билан шартнома имзолаган бўлардим," - дея Габриэлнинг сўзларини келтиради Arsenal News Channel.
Родригонинг трансфер нархи 100 млн евро атрофида бўлиши мумкин. 24 ёшли футболчининг "Реал" билан шартномаси 2028 йилгача мўлжалланган.
