Яқин кунларда "ПСЖ" Украина терма жамоаси ва "Борнмут" ҳимоячиси Илья Забарний трансфери бўйича таклиф билан чиқади. Бу ҳақда Krrishнинг ижтимоий тармоқдаги саҳифаси хабар бермоқда.
Манбага кўра, битимнинг умумий суммаси 50 миллион еврони ташкил қилади. 42 миллиони трансфер учун қатъий белгиланган тўлов сифатида, саккиз миллион эса бонуслар сифатида назарда тутилади. 22 ёшли ҳимоячининг ўзи Париж топ-клубига ўтишга тайёр.
Англия чемпионатининг ўтган мавсумида Забарний "Борнмут" сафида 36 та ўйин ўтказди. Ҳимоячи битта голли узатмани амалга оширди, тўртта сариқ карточка олди ва бир марта майдондан четлатилди.
