Yaqin kunlarda "PSJ" Ukraina terma jamoasi va "Bornmut" himoyachisi Ilya Zabarniy transferi bo‘yicha taklif bilan chiqadi. Bu haqda Krrishning ijtimoiy tarmoqdagi sahifasi xabar bermoqda.

Manbaga ko‘ra, bitimning umumiy summasi 50 million yevroni tashkil qiladi. 42 millioni transfer uchun qat’iy belgilangan to‘lov sifatida, sakkiz million esa bonuslar sifatida nazarda tutiladi. 22 yoshli himoyachining o‘zi Parij top-klubiga o‘tishga tayyor.

Angliya chempionatining o‘tgan mavsumida Zabarniy "Bornmut" safida 36 ta o‘yin o‘tkazdi. Himoyachi bitta golli uzatmani amalga oshirdi, to‘rtta sariq kartochka oldi va bir marta maydondan chetlatildi.