"Брайтон" марказий ҳужумчиси Жоан Педро ёзги трансфер ойнасида жамоани тарк этиши мумкин.
Журналист Люк Эдвардснинг маълум қилишича, "Брайтон" 23 ёшли бразилиялик футболчи учун 70 миллион евро сўрамоқда. Педронинг хизматларига қизиқиш билдираётган "Ньюкасл" ушбу тахминий сумма атрофида музокаралар олиб боришга тайёрлиги айтилмоқда. Катта эҳтимол билан "чайкалар" бу ёзда форвардни қўйиб юборишга рози бўлади.
Педро бу мавсумда барча турнирларда 30 та ўйинда майдонга тушиб, ўнта гол урди ва еттита голли узатмани амалга оширди.
Ҳужумчининг "Брайтон" билан меҳнат шартномаси 2028 йилнинг 30 июнига қадар мўлжалланган. Transferмаркт портали футболчининг нархини 50 млн еврога баҳоламоқда.
