22 ёшли ҳимоячи Рауль Асенсио Мадриднинг "Реал" клуби билан янги меҳнат шартномасини имзолайди, деб хабар бермоқда Cope журналистлари.
Манбага кўра, "қироллик клуби" раҳбарияти футболчи билан ҳамкорликни 2031 йилгача узайтиришни режалаштирмоқда. Янги шартномада 100 миллион евро миқдорида банд ёзилади. Бундан ташқари, Рауль маошига қўшимча ҳақ олади.
Испания чемпионатининг ўтган мавсумида ҳимоячи 23 та ўйин ўтказиб, голли узатма берди ва учта сариқ карточка олди. Асенсио Мадрид гранди сафида клублар ўртасидаги бўлажак жаҳон чемпионатида иштирок этади.
