22 yoshli himoyachi Raul Asensio Madridning "Real" klubi bilan yangi mehnat shartnomasini imzolaydi, deb xabar bermoqda Cope jurnalistlari.

Manbaga ko‘ra, "qirollik klubi" rahbariyati futbolchi bilan hamkorlikni 2031 yilgacha uzaytirishni rejalashtirmoqda. Yangi shartnomada 100 million yevro miqdorida band yoziladi. Bundan tashqari, Raul maoshiga qo‘shimcha haq oladi.

Ispaniya chempionatining o‘tgan mavsumida himoyachi 23 ta o‘yin o‘tkazib, golli uzatma berdi va uchta sariq kartochka oldi. Asensio Madrid grandi safida klublar o‘rtasidagi bo‘lajak jahon chempionatida ishtirok etadi.