Кеча, 13 июнь куни Мадриднинг "Реал" клуби матбуот хизмати янги трансфер ҳақида хабар тарқатди. "Қироллик клуби" сафига 17 ёшли аргентиналик хавбек Франко Мастантуоно қўшилди.
"Ривер Плейт" академияси тарбияланувчиси испан гранди билан олти йилга мўлжалланган узоқ муддатли меҳнат шартномасини имзолади. Битим суммаси 63,2 миллион еврони ташкил этди. Ярим ҳимоячи август ойида мадридликлар сафига бориб қўшилиши кутилмоқда.
Мастантуоно аввалги клуби - "Ривер Плейт" сафида 61 та ўйин ўтказган. Ярим ҳимоячи ўнта гол уриб, еттита голли узатмани амалга оширди.
