Kecha, 13 iyun kuni Madridning "Real" klubi matbuot xizmati yangi transfer haqida xabar tarqatdi. "Qirollik klubi" safiga 17 yoshli argentinalik xavbek Franko Mastantuono qo‘shildi.
"River Pleyt" akademiyasi tarbiyalanuvchisi ispan grandi bilan olti yilga mo‘ljallangan uzoq muddatli mehnat shartnomasini imzoladi. Bitim summasi 63,2 million yevroni tashkil etdi. Yarim himoyachi avgust oyida madridliklar safiga borib qo‘shilishi kutilmoqda.
Mastantuono avvalgi klubi - "River Pleyt" safida 61 ta o‘yin o‘tkazgan. Yarim himoyachi o‘nta gol urib, yettita golli uzatmani amalga oshirdi.
