"Челси" клуби ва Франция терма жамоаси собиқ футболчиси Клод Макелеле "Милан" дарвозабони Майк Меньян Лондон клубига ўтиши мумкинлиги ҳақида фикр билдирди.
Унинг фикрича, топ-голкипернинг хариди "кўклар"нинг келгуси мавсумдаги амбициялари учун жуда муҳим. Макелеле билан суҳбат BBC томонидан эълон қилинди.
"Менинг фикримча, Меньян дунёнинг энг кучли дарвозабонларидан бири. Ҳа, "Милан" катта эҳтимол билан уни сотишдан манфаатдор эмас, аммо "Челси" уни қўлга кирита олса - бу муҳим қадам бўлади. Ишончли дарвозабонсиз совринлар учун кураш ҳақида жиддий гапириб бўлмайди. "ПСЖ" мисолига қаранг: ёш таркиб, аммо Доннарумма билан улар барқарор", - деди Макелеле.













