"Манчестер Сити"нинг янги аъзоси Тиджани Рейндерс инглиз гранди билан музокаралар қандай кечгани ҳақида гапириб берди ва таклифни қабул қилиш қарори аниқ бўлганини тан олди.

- Улар мавсум охирида отам билан алоқага чиқишди . Мен учун рози бўлиш ёки бўлмаслик масаласи йўқ эди. Бу ҳозирда дунёнинг энг буюк клубларидан бири ва мен бу тарихнинг бир қисми бўлишни хоҳлайман. Ҳаммаси жуда тез ва осон содир бўлди," - дея ярим ҳимоячининг сўзларини келтиради City Xtra.

Якунланган мавсумда Тиджани Рейндерс барча мусобақаларда 51та ўйин ўтказиб, "Милан"нинг асосий футболчиларидан бирига айланганди. Унинг ҳисобида 15 та гол ва шерикларига учта голли узатма бор.