Нидерландиялик ҳужумчи Жошуа Зиркзее кейинги мавсумда ҳам "Манчестер Юнайтед"да қолади, деб хабар беради Corriera Della Sport.
Журналистларга маълум бўлишича, "қизил иблислар" Зиркзеени сақлаб қолишга қарор қилган. Манкунианликлар жорий трансферлар даврида даниялик Расмус Хёйлунд билан хайрлашмоқчи.
Эслатиб ўтамиз, Жошуа "Манчестер Юнайтед"га ўтган йилнинг ёзида "Болонья"дан кўчиб ўтган эди. У инглиз гранди билан беш йиллик меҳнат шартномасини имзолади.
Ўтган мавсумда нидерландиялик "қизил иблислар" сафида 49 та ўйин ўтказди. Зиркзее еттита гол урди ва учта голли узатмани амалга оширди.
