Мадриднинг "Атлетико" клуби форварди Антуан Гризманн клублар ўртасидаги жаҳон чемпионати стартидаги "Пари Сен-Жермен"га қарши ўйиндаги аламли мағлубият (0:4) ҳақида фикр билдирди.
Учрашув жазирама қуёш ва юқори намлик шароитида ўтди - французнинг сўзларига кўра, бу ўйин физикасига таъсир қилган.
- Иссиқ бўлгани учун ўйнаш қийинроқ эди. Ўйинда учрашувнинг боришини ўзгартириши мумкин бўлган икки-учта вазият бўлди, аммо футбол шунақа - баъзида ҳамма нарсани деталлар ҳал қилади," - дея Гризманнинг сўзларини келтиради RMC Sport.
Ҳужумчининг тан олишича, "Атлетико" парижликларнинг услубини яхши билган ва уларнинг ўйин услубига махсус тайёргарлик кўрган:
- "ПСЖ"нинг ўйини бизни ҳайрон қолдирмади. Биз уларнинг нималарга қодирлигини билардик - буни Чемпионлар Лигасидан кўришимиз мумкин. Биз айнан шундай босим ва тезликни кутгандик, - дея қўшимча қилди француз.
