Миланнинг "Интер" клуби сардори Лаутаро Мартинес жамоанинг янги бош мураббийи Кристиан Киву ҳақида фикр билдирди.
"Биз Киву билан у бизга қўшилишидан олдин ҳам телефонда гаплашгандик. Биз унинг ғояларини муҳокама қилдик - фикрларимиз кўп жиҳатдан ўхшаш, бир хил ўйлаймиз. У ғалаба қозонишни истайди, унинг менталитети бизга ёқади. Ўзгаришлар "Интер" фойдасига ишлайди, гарчи Кивунинг ғоялари қайсидир маънода Инзагининг ғояларига ўхшаса ҳам. Кўп нарса ўзгаради ва биз бунинг устида ишлашни бошладик," - деди Мартинес SportMediaset нашрига берган интервьюсида.
"Интер"га тайинланишидан олдин Кристиан Киву "Парма"да бош мураббий бўлиб ишлаган.













