"Манчестер Сити"нинг ўнг қанот ҳимоячиси Кайл Уокер "Эвертон"ни жиддий қизиқтириб қўйди.
"Ирислар" 35 ёшли футболчи учун курашишга тайёрлиги бироз аввалроқ маълум бўлганди. Инсайдер Фабрицио Романонинг янгиланган маълумотларига кўра, юлдуз фахрийни шахсан бош мураббий Девид Мойес имзолашни талаб қилмоқда. Шотландиялик мутахассис Уокерни жамоаси учун "идеал" трансфер мақсади деб ҳисобламоқда, клублар ўртасида аллақачон музокаралар олиб борилмоқда. Ливерпулликлар бу борада "Фенербахче" ва бошқа даъвогарларни ортда қолдирмоқчи.
Кайл Уокер 2017 йилдан бери "Манчестер Сити"га тегишли. Ёзда "шаҳарликлар" номдор инглиз билан хайрлашиши аниқ, чунки у Хосеп Гвардиоланинг режаларига кирмайди.













