"Manchester Siti"ning o‘ng qanot himoyachisi Kayl Uoker "Everton"ni jiddiy qiziqtirib qo‘ydi.

"Irislar" 35 yoshli futbolchi uchun kurashishga tayyorligi biroz avvalroq ma’lum bo‘lgandi. Insayder Fabrisio Romanoning yangilangan ma’lumotlariga ko‘ra, yulduz faxriyni shaxsan bosh murabbiy Devid Moyes imzolashni talab qilmoqda. Shotlandiyalik mutaxassis Uokerni jamoasi uchun "ideal" transfer maqsadi deb hisoblamoqda, klublar o‘rtasida allaqachon muzokaralar olib borilmoqda. Liverpulliklar bu borada "Fenerbaxche" va boshqa da’vogarlarni ortda qoldirmoqchi.

Kayl Uoker 2017 yildan beri "Manchester Siti"ga tegishli. Yozda "shaharliklar" nomdor ingliz bilan xayrlashishi aniq, chunki u Xosep Gvardiolaning rejalariga kirmaydi.