Angliyaning «Manchester Yunayted» klubi mavsumoldi yig‘ini doirasida Norvegiyaning «Rusenborg» jamoasiga qarshi o‘rtoqlik uchrashuvi o‘tkazdi.
Tronxeym shahrida bo‘lib o‘tgan bahsda «qizil iblislar» 5:0 hisobida ishonchli g‘alaba qozondi.
Birinchi bo‘limda yagona golni 31-daqiqada Shi Leysi urgan bo‘lsa, tanaffusdan keyin Joshua Zirkze (56), Jeykob Deveyni (63), Garri Amass (72) va Itan Uilyams (84) o‘z nomini tabloga yozdirdi.
Bu «Manchester Yunayted» uchun mavsumoldi tayyorgarligidagi ikkinchi o‘rtoqlik uchrashuvi bo‘ldi.
Maykl Kerrik shogirdlarini oldinda «Atletiko» (1 avgust), «PSJ» (8 avgust), «Lids» (12 avgust) va «Milan» (15 avgust)ga qarshi o‘rtoqlik o‘yinlari kutmoqda.
«Manchester Yunayted» Angliya Premyer-ligasining yangi mavsumini 22 avgust kuni safarda «Xall»ga qarshi bahs bilan boshlaydi.
