«Manchester Siti» yarim himoyachisi Rodri Madridning «Real» klubiga o‘tish uchun barcha imkoniyatlarni ishga solmoqda.

Jahon chempioni Xosep Gvardiola jamoani tark etgach, 2027 yil yozigacha amal qiladigan shartnomasini uzaytirishni istamayapti. 30 yoshli futbolchi buni Ispaniya grandiga o‘tish uchun so‘nggi imkoniyat deb hisoblamoqda. Bu haqda El Debate xabar berdi.

Manbaga ko‘ra, Rodri «Manchester Siti» bilan ehtimoliy transfer narxini sun’iy ravishda oshirmaslik bo‘yicha kelishuvga erishgan. Yarim himoyachi transfer qiymatini 45 million yevro qat’iy to‘lov va yana 5 million yevro bonus ko‘rinishida belgilashga muvaffaq bo‘lgan.

O‘tgan mavsumda Rodri barcha musobaqalarda 33 ta uchrashuvda maydonga tushib, 2 ta gol muallifi bo‘ldi.

Transfermarkt ma’lumotiga ko‘ra, futbolchining bozor qiymati 50 million yevroni tashkil etadi.