"Арсенал"нинг ёзги трансферлар олдидаги асосий вазифаларидан бири юқори савияли марказий ҳужумчини ўз сафига қўшиб олишдир. Transfer News Live нашрининг Sport Bild'га таяниб хабар беришича, Лондон клуби "РБ Лейпциг" форварди Беньямин Шешко билан келишувга эришган.
"Арсенал" бош мураббийи Микель Артета Шешко унинг ўйин услубига жуда мос келади, деб ҳисобламоқда. Аммо муаммо бор - лондонликлар "РБ Лейпциг" билан трансфер суммасини келишиб олишлари керак. "Буқалар"нинг позицияси жуда қатъий: 80 миллион евро ёки ҳеч қандай битим.
Қайд этилишича, "Арсенал" 22 ёшли Шешконинг трансфер суммаси борасида имкон қадар тезроқ келишиб олмоқчи.













