"Ал-Ҳилол" клуби бош мураббийи Симоне Индзаги клублар ўртасидаги жаҳон чемпионатида "Реал"га қарши кечган ўйинда жамоасининг кўрсатган ўйинини ижобий баҳолади.
Учрашувда кучлар тенг келди - 1:1. Индзаги дунёнинг энг кучли клубларидан бирига қарши курашда футболчиларнинг жонбозлиги ва ҳамжиҳатлигини таъкидлади.
- Биз муносиб ўйин ўтказдик - жамоа ҳамжиҳатлик билан, бор кучини бериб ҳаракат қилди. Йигитларим "Реал"дек даражадаги рақибга қарши жанг қилганидан фахрланаман. Бу дунёнинг топ-3 жамоалари қаторига кирадиган клуб ва бундай вазиятда футболчилардан бундан ортиғини сўраш қийин," - деди Индзаги ўйиндан сўнг.
