Саудия Арабистонининг "Ал-Ҳилол" клуби дарвозабони Яссин Буну клублар ўртасидаги жаҳон чемпионати гуруҳ босқичи 1-туридан ўрин олган Мадриднинг "Реал" клубига (1:1) қарши шиддатли ўйиндан сўнг ўз ҳиссиётлари билан ўртоқлашди.

Учрашувнинг сўнгги дақиқаларида марокашлик футболчи Федерико Вальверденинг пенальтидан йўллаган зарбасини қайтариб, жамоасини мағлубиятдан қутқариб қолди.

- Бу ҳақиқатан ҳам оғир ўйин эди. Рақиб ақл бовар қилмас таркибга эга ва юқори даражадаги футбол намойиш этмоқда. Иккинчи бўлимда бизга осон бўлмади, аммо биз бундай сценарийга тайёр эдик ва ҳимояда интизомни сақлаб қолдик. Пенальтини қайтара олганимдан хурсандман - бу менинг ишимнинг бир қисми ва буни яхши бажариш муҳим. "Реал" каби жамоага қарши максимал концентрацияни сақлаб қолиш керак ва бугун биз буни кўрсатдик," - деди Буну ФИФА расмий сайтига берган изоҳида.