"Бока Хуниорс" ҳимоячиси Николас Фигал ва ярим ҳимоячи Андер Эррера клублар ўртасидаги ЖЧ-2025 гуруҳ босқичи 1-туридан ўрин олган "Бенфика"га (2:2) қарши баҳсдаги ҳаракатлари учун жазоланди. Футболчилар 4 та учрашувга дисквалификация қилинди.
Бу ҳақда Reuters хабар бермоқда. Манбага кўра, Аргентина клуби аллақачон ФИФА билан боғланиб, чиқарилган қарор устидан апелляция беришни сўраган. Футболчилар иштирокидаги воқеалар турли вақтларда содир бўлган: 20-дақиқада жароҳати туфайли майдонни тарк этган испаниялик Эррера захира ўриндиғидалигида майдондан четлатилган - ўйиннинг 45-дақиқасида учрашув реферисини ҳақорат қилгани учун.
Фигал эса рақибига қарши хавфли ташланиш учун 88-дақиқала четлатилди. "Бока" футболчиларидан ташқари "Бенфика" форварди Андреа Белотти ҳам жазоланди. Италиялик футболчи беллашувнинг 72-дақиқасида қўполлик ишлатгани учун 2 та ўйинга четлатилди.
"Бока Хуниорс" кейинги турда 21 июнь куни Мюнхеннинг "Бавария" клубига қарши баҳс олиб борса, "Бенфика" 25 июнь куни "Окленд Сити"га қарши майдонга тушади.
