"Арсенал" "Реал Сосьедад" ярим ҳимоячиси Мартин Субименди билан шартнома имзолади. Испаниялик футболчи "канонирлар"нинг ушбу мавсум оралиғидаги илк янги трансфери бўлади, дея хабар беради инсайдер Фабрицио Романо ўзининг ижтимоий тармоқларида.
Манбага кўра, келишув аллақачон тўлиқ расмийлаштирилган, Субименди эса Лондонда барча расмиятчиликларни якунлаган. Трансфер тахминан 65 миллион еврони ташкил этди ва бир неча босқичда тўланади.
Ўтган мавсумда футболчи "Реал Сосьедад" сафида барча турнирлар доирасида 48 та ўйинда майдонга тушиб, 2 та гол урди ва 2 та голли узатмани амалга оширди.
