"Манчестер Сити"нинг 19 ёшли бразилиялик ҳимоячиси Витор Рейс келаси мавсумни қаерда ўтказиши маълум бўлди.
Журналист Валентин Фурланнинг таъкидлашича, "Манчестер Сити" ёзги трансфер ойнасида Рейсни ижарага беришни режалаштирмаяпти. Футболчига Германия, Испания ва Англиянинг етакчи клублари қизиқиш билдирмоқда, аммо "шаҳарликлар" бош мураббийи Хосеп Гвардиола Рейсни мавсумдаги режаларининг бир қисми сифатида кўрмоқда.
Рейс 2025 йилнинг январида "Палмейрас"дан "Манчестер Сити"га ўтган. Бу вақт ичида у тўртта учрашувда қатнашган.
Рейснинг трансфери инглиз грандига 37 миллион еврога тушди.













